राजधानीको नयाँ बानेश्वरस्थित चेल्सी एकेडेमीद्वारा शनिबार आयोजित कार्यक्रममा प्रधानमन्त्रीले आफू सहमतिको राजनीतिको पक्षमा रहेको प्रस्ट पारेका छन् ।

'माओवादी सरकारमा गएपछि जनतामा नयाँ सञ्चार भएको छ तर अन्तर्राष्ट्रिय समुदायमा माओवादी अधिनायकवादमा जाने ता होइन भनी केही आशंका रेहेको मैले अझै पाएको छु' उनले भने - 'तर हामी सहमतिको राजनीतिमा विश्वास गर्छौं र त्यहीअनुरुप अघि बढ्छौं ।'

उनले कांग्रेसलाई पनि सरकारमा लैजान अझै प्रयास भइरहेको बताउँदै उनले भने - 'नआए रेल त छुट्छ नै ।' दाहालले आफू वैज्ञानिक योजना सहित नयाँ ढंगले चल्ने सोचाइमा रहेको बताउँदै पारदर्शी र स्वच्छ प्रशासनलाई दुख्य प्राथमिकतामा राख्ने बताए । तर उनले सरकार गठनसंगै यसविरुद्ध षड्यन्त्रका तानाबाना बुन्न शुरु भएको छ भन्दै रोष प्रकट तरे ।

उनले हरेक क्रन्तिकारि परिवर्तनसंगै हुने प्रतिक्रान्तिको खतराप्रति आफू सचेत भएको बताए । 'प्रत्येक क्रान्तिकारि परिवर्तनसंगै प्रतिक्रान्तिको खतरा रहन्छ । नेपाल यसबाट अछुतो हुन सक्दैन।' उनले भने - 'युगान्तकारि परिवर्तनपछिको मोडमा सजगता अपनाइएन भने दुर्घटना निम्तिन सक्छ । त्यसकारण सचेत हुंदै नयाँ नेपाल निर्माण अवसरको सदुपयोग गर्नुपर्छ ।

काठमाणडौ/रास- प्रधानमन्त्री पुष्पकमल दाहालले सरकारले आइतबार पूर्णता पाउने जनाएका छन्।

सरकारले पूर्णता पाएलगत्तै नीति तथा कार्यक्रमलाई अन्तिम रु दिन जुट्ने जानकारीसमेत प्रधानमन्त्री प्रचण्डले दिए ।

उनी चेल्सी इन्टरनेशनल र प्रज्ञा फाउन्डेसनद्वारा शनिवार राजधानीमा आयोजित कार्यक्रममा बोल्दै थिए ।

शान्ता श्रेष्ठद्वारा लिखित 'यो कथा होइन' पुस्तक विमोचन समारोहमा आफ्नो पार्टीको नीति अनुसार अघि बढ्न नसके सरकारमा टाँसिरहनुको कुनै अर्थ नरहने पनि उनले स्पष्ट गरे ।

माओवादीलाई जनताले संविधान लेख्न मत दिएको भन्दै उनले जनमतलाओ धोका नदिइने प्रतिबद्धता प्रकट गरे ।

युग परिवर्तनको क्रममा क्रान्तिकारि कदम उठाउँदा प्रतिक्रान्ति भए त्यसलाई सामना गर्दै गणतन्टको संस्थागत विकासमा लागि पर्ने प्रण उनले गरे । प्रचण्डले भने, 'अबको आठ-दश वर्षमा नेपालमा अद्‌भुत परिवर्तन आउनेछ ।' माओवादीले परम्परागत पार्टीभन्दा भिन्न शैली र पृष्ठभूमिबाट वर्तमान राजनीतिक घटनाक्रमलाई आत्मसात् गरेको उल्लेख गर्दै सो पार्टीका अध्यक्ष प्रचनण्डले थपे, 'त्यसैले विगतमा राज्य संयन्त्रमा लागेको खिया हटाउने कामसमेत हाम्रो हो ।'

उनले माओवादी सरकारमा गएपछि अधिनायकवादी वन्छ भन्ने चिन्ता नलिन सवैमा आग्रह गरे । प्रचण्डले भने, 'सरकार, जनता र विज्ञानलाई आत्मसात् गरेर चीनले ओलम्पिक खेल सफलतापूर्वक सम्पन्न गर्‍यो, नयाँ नेपाल निर्माणका लागि पनि तीन तत्वको फ्युजन गरेर सफलता खोजिनेछ ।'

गोरखापत्र समाचारदाता. काठमाण्डौ, भदौ १४ गते । प्रधानमन्त्री पुष्पकमल दाहाल 'प्रचण्डल'ले सरकारले चाँडै ल्याउन लागेको नीति, कार्यक्रम र बजेटमा विगतका नराम्रा परम्परा तोडिने बताउनुभएको छ ।

शान्ता श्रेष्ठले लेख्‍नु भएको 'यो कथा होइन' पुस्तकको शनिवार यहाँ विमोचन गर्दै प्रधानमन्त्री दाहालले भन्नुभयो, "नीति कार्यक्रम र बजेटको अग्निपरीक्षा हाम्रो अगाडि छ, हामी तमाम चुनौतीका बीचबाट पनि विगतका नराम्रा परम्परालाई तोड्न चाहिरहेका छौं ।"

पुराना नराम्रा परम्परालाई तोड्ने क्रम सुरु गरू गरिसकिएको बताउँदै प्रधानमन्त्री प्रचण्डले सरकारको नीति तथा कार्यक्रमलाई सकेसम्म जनता र राष्ट्रका पक्षमा ल्याइने जानकारी दिनुभयो । सहमतिका आधारमा आफूहरु अगाडि बढ्न चाहेको उल्लेख गर्दै उहाँले नेपाली काङ्ग्रेसलाई पनि कुनै न कुनै रूपमा समेटेर लैजाने आश्वासन दिनुभयो ।

सरकार बन्ने प्रक्रिया र सरकार बनेको भोलिपल्टैदेखि पुरानाहरुले पुरानै षड्यन्त्र गरिरहेको आरोप उहाँले लगाउनु भयो । सरकारलाओ जनता र राष्ट्रको पक्षमा चलाउने प्रतिबद्धता व्यक्त गर्दै उहाँले त्यसो गर्दा कसैलाई घाटा पुग्छ भने त्यसको विरुद्ध लडिरहने र पुरानाहरुले जस्तो सरकारमा टउँसिरहने प्रवृत्ति नगर्ने प्रस्ट गर्नुभयो ।

पुराना शक्तिहरु अझै बदलिई नसकेको, राष्ट्रलाई ठगेर खाने, अदुत सम्पत्ति कमाउने, भ्रष्टाचार र षड्यन्त्रमै व्यस्त रहेको आरोप लाउँदै दाहालले प्रश्न गर्नुभयो, "के त्यस्तो प्रवृत्तिलाई ध्वस्त पार्न हामी सक्छौं ?" राजनीतिक इच्छाशक्तिका साथ इमानदारी र जिम्मेवारीका साथ एक हुने हो भने नेपालका प्राकृतिक स्रोतसाधनलाई उपयोग गरेर आठ/दश वर्षभित्रै अद्भुत परिवर्तन ल्याउन सकिने सम्भावना उहाँले व्यक्त गर्नुभयो ।

सामन्त वर्गको राज्यमा एकाधिकार र हालिमुहाली सिध्याएर मेचीदेखि महाकालीसम्मका उत्पीडित जनताको अधिकार सुनिश्चित गर्ने शक्तिशाली माध्यम सङ्घीयता नै भएको उहाँको भनाइ थियो । सङ्घीयता राज्यलाई मजबुत पार्ने अवधारणा कि विखण्डनको माध्यम? यस विषयमा गम्भीर बहसको खाँचो रहेको उहाँले बताउनुभयो । राज्य, सरकार तथा राजनीतिक नेतृत्वले राजनीतिक अखण्डतामाथि खतरा पार्नसक्ने सम्भावना उहाँले औंल्याउनु भयो ।

कार्यक्रममा गणतन्त्रवादी नेता रामराजाप्रसाद सिंहले नेपालमा बिनारक्तपात गणतन्त्र स्थपना भएर विश्वलाई नै नयाँ सन्देश दिएको बताउनुभयो ।

कार्यक्रममा सहिद गङ्गालाल श्रेष्ठकी श्रीमती हसिनादेवी तथा सहिद दुर्गानन्द झाकी श्रीमती काशीदेवीलाई सम्मान गरिएको थियो ।